Category Archives: News

බොලිවුඩ් නිලි දීපිකා පදුකෝන්ගේ හිස ගසා දමන අයෙකුට ඩොලර් මිලියන 1.5 ක තෑගි මුදලක්

hotPEPPER:

සුරූපී බොලිවුඩ් නිලි දීපිකා පදුකෝන්ගේ සහ ඇයගේ නවතම චිත්‍රපටය වන පද්මාවතී චිත්‍රපටයේ අධ්‍යක්ෂක සංජේ ලීලා භන්සාලි ගේ හිස් ගසා දමන අයෙකුට ඩොලර් මිලියන 1.5 ක තෑගි මුදලක් පිරි නැමිය යුතු බවට ඉන්දියාවේ හින්දු ජාතිකවාදී පාලක පක්ෂයේ සාමාජිකයෙකු වන සුරාජ් පාල් අමු විසින් ප්‍රකාෂ කර තිබේ.

භන්සාලි සහ වයාකොම් 18 මෝෂන් පික්චර්ස් ආයතනයේ හවුල් නිෂ්පාදනයක් වන මෙම චිත්‍රපටයේ ප්‍රධාන චරිතය වන රාණි පද්මිණීගේ චරිතය නිරූපණය කරන්නේ දීපිකා පදුකෝන් විසිනි.

ජනප්‍රවාදගත හින්දු රාජ්පුත් රැජිනක වන රාණි පද්මිණීගේ දිවිය අලලා කළ නිර්මාණයක් වන මෙම චිත්‍රපටයට අනුව පද්මාවතී යනු රාජ්පුත් පාලකයා වූ රාණා රාවල් රතන් සිංගේ බිසවයි. 1303දී, දිල්ලි සුල්තාන් අධිරාජ්‍යයේ තුර්කි පාලකයා වූ අලාඋද්දීන් ඛිල්ජි, රාණි පද්මිණීව අල්ලා ගැනීමට ඔහු තුළ වූ ආශාව නිසා ආක්‍රමණයක් මෙහෙයවා ඇති අතර එම සිදුවීම ද ඇතුලුව භන්සාලි මෙම චිත්‍රපටය තුළ ඉතිහාසය විකෘති කරන බවට චෝදනා කරමින් බොහෝ අවස්ථා වලදී මෙහි රූගත කිරීම් වලට පවා විරොධතා එල්ල විය.

රන්වීර් සිං, ෂාහිඩ් කපූර්, සහ ආදිති රාඕ හයිදරි ද රංගනයෙන් දායක වන මෙම චිත්‍රපටය මුලින් මුදාහැරීමට නියමිතව තිබුණේ නොවැම්බර් 17 දින ය. කෙසේ නමුත් විරෝධතා එල්ල වීම හේතුවෙන් මෙය මුදාහැරීම දෙසැම්බර් 1 දින දක්වා කල් දමා තිබේ.

දේශීය මාධ්‍ය වාර්තා අනුව හර්යානාහි භාරතීය ජනතා පක්ෂයේ නායකයෙකු ද වන සුරාජ් පාල් අමු, දෙසැම්බර් 1 වන දින ද මෙම චිත්‍රපටය සිනමා ෂාලා වල තිරගත කිරීමට ඉඩ නොදෙන බව ප්‍රකාෂ කර තිබේ. මේ වන විටත් ඉන්දියාවේ ප්‍රාන්ත දෙකක් තුල මෙය මුලුමනින් ම තහනම් කර ඇත.

Mඒ හේතුවෙන් දීපිකා පදුකෝන්ගේ සහ සංජේ ලීලා භන්සාලි ගේ ආරක්ෂාව තර කිරීමට බලධාරීන් පියවර ගෙන ඇති අතර මෙම විරෝධය ඉන්දීය අගමැති නරේන්ද්‍ර සිං මෝඩි ඇතුලු බොහේ දෙනාගේ අප්‍රසාදයට ලක්ව ඇතැයි ද පැවසේ.

ඇමති මංගල ගෙනා අයවැය යෝජනා මෙන්න..

hotPEPPER:

2018 අයවැය යෝජනා. ….

● 2040 වන විට ඛණිජ තෙල් මගින් ධාවනය කරන වාහන භාවිතයෙන් ඉවතට…
● මූලික පියවර ලෙස රජයේ ආයතනවලට 2025 වනවිට විදුලියෙන් ධාවනය වන වාහන.
● විදුලියෙන් ධාවනය කාර් සඳහා ආනයන බද්ද රුපියල් ලක්ෂ 10 කින් පමණ අඩු කෙරේ.
● එන්ජින් ධාරිතාව 2500 ට වැඩි වාහන සඳහා රුපියල් ලක්ෂ 25 කට අධික සුඛෝපභෝගී බද්දක්.
● ඩීසල් ත්‍රිරෝද රථ සඳහා රුපියල් 50,000ක බද්දක්.
● ඛණිජ තෙල්වලින් ධාවනය වන යතුරු පැදි, මෝටර් රථ හා බස් රථ සඳහා කාබන් බද්දක්.
– යතුරු පැදි සඳහා දිනකට ශත 17 ක්, මෝටර් රථ සඳහා රුපියල් 1 ශත 78 ක් බස් රථ සඳහා රුපියල් 2 ශත 74 ක්.
● සූර්යය බලයෙන් ක්‍රියාත්මක වන ආරෝපන මධ්‍යස්ථාන රටපුරා ඇතිකිරීම සඳහා බදු සහන.
● ප්ලාස්ටික් අමුද්‍රව්‍ය කිලෝග්‍රෑම් එකකට රුපියල් 10 යක නිෂ්පාදන බද්දක්.
● දිරිපත්වන ඇසුරුම් ද්‍රව්‍ය නිපදවීම සඳහා අවශ්‍ය උපකරණ, යන්ත්‍ර සූත්‍ර හා අමුද්‍රව්‍ය සඳහා පනවා තිබූ ආනයන බදු ඉවතට.
● සෑම ප්‍රාදේශීය සභා බල ප්‍රදේශයකම ව්‍යායාම මංතීරු.
● ගැඹුරු මුහුදේ මසුන් මැරීම සඳහා යොදා ගන්නා අඩි 55 ට වැඩි බහුදින ධීවර යාත්‍රා සදහා යන වියදමෙන් 50% ක් රජය දැරීම.
● වී ඇතුළු බෝග වර්ග 6 ක් සඳහා අක්කරයකට රුපියල් 40 000 ක ආවරණයක්.
● ඉහළ තාක්ෂණික කෘෂි භාවිතයන් නංවාලන පරිදි තෝරාගත් උපකරණ ආනයනයට ඇති ජාතිය ගොඩනැගීමේ බදු ඉවතට.
● පෞද්ගලික අංශයේ ව්‍යවසායකයින් දිරිගන්වමින් ආනයන අපනයන අංශයක් සහිත සංවර්ධන බැංකුවක් ස්ථාපිත කිරීමට රුපියල් මිලියන දස දහසක්.
● සුළු හා මධ්‍ය පරිමාණ ව්‍යවසායකයින්ට ණය ලබාගැනීමේදී ඇපකරුවන් ඉදිරිපත්කිරීම ඇතුලු දැඩි කොන්දේසි ලිහිල් කර මේ බැංකුව මගින් ණය ලබාදීම.
● සුළු හා මධ්‍යපරිමාන ව්‍යවසායක ඇපකර අරමුදලක් ඇරඹීමට රුපියල් මිලියන 500 ක්.
● සුළු හා මධ්‍ය පරිමාන ව්‍යවසායකින්ට ණය ලබාදීම සඳහා ඇති විවිධ යෝජනා ක්‍රම 8 ක් එක්කර එන්ටර් ප්‍රයිස් ශ්‍රී ලංකා නමින් නව ණය ක්‍රමයක් ආරම්භ කිරීමට රුපියල් මිලියන 750 ක්.
● විශේෂ අවශ්‍යතා ඇති පුද්ගලයින්ට හා කාන්තාවන්ට ව්‍යවසාය දිරිගැනීම සඳහා පොලී සහනාධාර.
● කොළඹ, මොරටුව විශ්වවිද්‍යාල හා ස්ලිට් ආයතනයේ තොරතුරු තාක්ෂණ ව්‍යාපාර හා සම්බන්ධ කෘතිම බුද්ධිය, රොබෝ තාක්ෂණය ඇතුළු නව පාඨමාලා.
● 2018 මැයි පළවනදා සිට විදේශ ගමන් බලපත්‍ර ලාභීන්ට වැට් ආපසු ලබාගැනීමේ ක්‍රමවේදයක්.
● තට්ටු නිවාස සංකීර්ණවල හතරවන මහලට පහළ මහල් විදේශිකයින්ට ලබාගැනීමට ඇති බාධා ඉවතට.
● විදේශිය ලයිස්තුගත සමාගම්වලය ඉඩම් හිමිකර ගැනිමට ඇති බද්ද ඉවතට.
● තරුණ තරුණියන් රැකියා සඳහා සුදානම් කිරීමේ අරමුදලක්.
● ඒ යටතේ වෘත්තිය පුහුණුව ලබන කාලය තුළ මසකට රුපියල් 3500 ක දිමනාවක්.
● මහපොළ ශිෂ්‍යත්වය සඳහා සලකා බලන ආදායම් සීමාව රුපියල් ලක්ෂ 3 සිට 5 දක්වා ඉහළට
● ග්‍රාමීය ක්‍රීඩාංගණ 100 ක් සංවර්ධනයට පියවර.
● අද මධ්‍යම රාත්‍රීයේ සිට ක්‍රීඩා පාවහන් සඳහා වන තීරු බදු නොවන ආනයන බදු ඉවතට
● 2018 අප්‍රෙල් 01 වන දා සිට මත්පැන් මත ජාතිය ගොඩනැගීමේ බද්ද පැනවේ.
● මධ්‍යසාර අඩංගු ප්‍රමාණය හා වර්ගය මත බදු අය කරන සුත්‍රයක්.
● රජයේ බැංකුවල ස්කන්ධ ප්‍රාග්ධනය උපයාගැනීම සඳහා තැන්පත්කරු වන්ට සහ සේවකයින්ට කොටස් මිලදී ගැනීමේ අවස්ථාව.
● 2016 පසුව විශ්‍රාම ගන්නා සියලු දෙනාට අග්‍රහාර අවරණය.
● රජයේ ආයතවලින් ක්‍රියාත්මක කරන සේවා සඳහා අයකරන ගාස්තු 15% කින් ඉහළට.
● 2018 අප්‍රෙල් 01 සිට බැංකු මගින් සිදුකරන සියළු ගනුදෙනු සඳහා රුපියල් 1000 කට ශත 20 ක් ලෙස ණය ආපසු ගෙවීම සඳහාවු විශේෂ බද්දක්.
● ආනයන දුම්වැටි හා සුරුට්ටු සඳහා බලපත්‍ර ක්‍රමයක්.
● එතනොල් නිෂ්පාදනය යොදාගන්නා අමුද්‍රව්‍ය මත සුරා බද්දක්.
● පානීය නොවන මධ්‍යසාරසාර සඳහා ලීටරයට රුපියල් 15 ක සුරා බද්දක් අද මධ්‍යම රාත්‍රීයේ සිට.
● 2018 ජනවාරි 01 සිට මොටර් වාහන ආනයන කිරීමේදී භාවිත කරන කාලීන ණයවර ලිපි පහසුකම ඉවතට.
● 2018 අප්‍රෙල් පළවෙනිදා සිට අළෙවි ප්‍රචාරණය සඳහා යවන කෙටි පනිවිඩ සඳහා ශත 25 ක විශේෂ බද්දක්.

කූඹියෝ හි ඔස්ටින් අයියා, ප්‍රවීණ රංගන ශිල්පි සේනක ටයිටස් මහතා අභාවප්‍රාප්ත වේ

hotPEPPER

මේ දිනවල අතිශයින් ජනප්‍රිය කූඹියෝ ටෙලි වෘතාන්තයේ ඔස්ටින්ගේ චරිතයට පන පොවන ප්‍රවීණ රංගන ශිල්පි සේනක ටයිටස් මහතා අද (27) උදෑසන සිංගප්පූරුවේදී අභාවප්‍රාප්ත විය.

පසුගියදා සිංගප්පූරුවේ දී ‘අලුත් හොරෙක් ඕනේ’ නාට්‍ය වේදිකා ගත කිරීමෙන් අනතුරුව නැවත පැමිණීමෙන් අනතුරුව යලි දිවයිනට එන අතරතුර සිංගප්පූරු ගුවන් තොටුපොළේදී රෝගාතුර වූ ඔහු, ගුවන් තොටුපොළ නිළධාරින් විසින් චැන්ගි රෝහල වෙත යොමු කිරීමන් පසුව එම රෝහලේ දැඩි සත්කාර ඒකකයේ ප්‍රතිකාර ලැබීය.

දස්කොන්, සී රජ, චෙස්, කූඹියෝ ඇතුලු ටෙලි නාට්‍ය හා වේදිකා නාට්‍ය ගණනාවකට රංගනයෙන් දායක වූ සේනක ටයිටස් මහතා ප්‍රවීණ කලාකරු ජැක්සන් ඇන්තනී මහතගේ වැඩිමල් සොයුරු වේ.

ලංකාවේ ප්‍රබුද්ධ තම හැකියාවෙන් ලිතුවේනියාව හොල්ලයි


hotPEPPER:

මීට දින කිහිපයකට ඉහතදී පැවැති වොයිස් ඔෆ් ලිතුවේනියා ගායන රියැලිටි වැඩසටහනේදී එක් අදියරකදී තම දස්කම් ප්‍රදර්ශනය කරමින් එහි විනිසුරුවන් මවිත කිරීමට ලිතුවේනියාවේ ඉගෙනුම ලබන ශ්‍රී ලාංකික සිසුවකු වන ප්‍රබුද්ධ ශාමල් සමත් විය.

මහනුවර විද්‍යාර්ථ ව්දුහලේ ආදි සිසුවකු වන ප්‍රබුද්ධ, වොයිස් ඔෆ් ලිතුවේනියා සීසන් 5 වැඩසටහනට සම්බන්ධ වී තිබෙන්නේ එරටේදී ව්‍යාපාර අධ්‍යයනය ට සම්බන්ධ උපාධියක් හදාරමින් සිටින අතර තුර දීය.

මේ වන විට වසර 03ක් පමණ ලිතුවේනියාවේ ඉගෙනුම ලබන ප්‍රබුද්ධ රොක් සංගීතයට වැඩි ඇල්මක් දක්වන අතර ගිටාර් වාදනයේද දස්කම් දක්වන්නෙක් බව වාර්තා වේ.

සයිබර් හොරුන් තායිවානයෙන් පැන්නූ ඇ.ඩොලර් මිලියනයක් මෙරට බැංකු ගිණුමක

දිනමිණ:

තායිවානයේ ප්‍රසිද්ධ වාණිජ බැංකුවකින් ඩොලර් මිලියන ගණනක මුදලක් බැංකු පරිගණක දත්ත පද්ධතියට ඇතුළු වී සොරකම් කර එම මුදල්වලින් අමෙරිකානු ඩොලර් මිලියනයක් මෙරට බැංකු ගිණුමක තැන්පත් කිරීමේ සිද්ධියක් සම්බන්ධයෙන් රහස් පොලිසිය පුළුල් පරීක්ෂණයක් ආරම්භ කර තිබේ.

තැන්පත් කර ඇති ගිණුමේ හිමිකරු විසින් ඔහුගේ මුදල් ලබාගැනීමට ගිය අවස්ථාවේ එම ගිණුම සම්බන්ධයෙන් අවධානයෙන් සිටි රහස් පොලිස් නිලධාරින් විසින් එම පුද්ගලයා පසුගියදා (06) කොළඹදී අත්අඩංගුවට ගෙන තිබේ.

රහස් පොලිසිය පවසා සිටින්නේ ෆාර්ස්ටන් ඉන්ටර්නැෂනල් නමැති බැංකුවේ පරිගණක දත්ත පද්ධතියට හොරෙන් ඇතුළුව සයිබර් අපරාධකරුවන් පිරිසක් විසින් සැලසුම් සහගතව ඩොලර් මිලියන 60 කට ආසන්න ප්‍රමාණයක් මෙසේ සොරකම් කර ශ්‍රී ලංකාව, කාම්භෝජය, ඇමෙරිකා එක්සත් ජනපදය යන රටවල ගිණුම් ගණනාවක තැන්පත් කර ඇති බව මීට සති දෙකකට පමණ සිට තායිවාන අපරාධ පරීක්ෂණ කණ්ඩායම් විසින් සිදුකරන ලද පරීක්ෂණවලින් අනාවරණය කරගෙන තිබුණි.

ඒ අනුව එම මුදල් තැන්පත් කර ඇති රටවල අපරාධ පරීක්ෂණ දෙපාර්තමේන්තු කණ්ඩායම්ද සමඟ එකතුව තායිවානය විසින් අන්තර්ජාතික පරීක්ෂණයක් ආරම්භ කර තිබිණි.

එහිදී එම මුදල් තැන්පත් කර ඇති ඒ ඒ රටවල ගිණුම් හිමියාගේ ගිණුම සොයාගත් අතර එම ගිණුම් හිමියා හඳුනා ගැනීම සහ එම ගිණුම සම්බන්ධ තොරතුරු ලබාගැනීම සඳහා රහස් පොලිසිය විසින් අධිකරණ අවසරය ද ලබාගෙන තිබූ බව වාර්තා වේ.

ඒ අනුව එම මුදල් හිමි පුද්ගලයා මෙසේ අත්අඩංගුවට ගෙන තිබුණේ ඔහු විසින් රුපියල් මිලියන 80ක මුදලක් ගිණුමෙන් ඉවත්කර ගැනීමට පැමිණි අවස්ථාවේදීය.

මෙම ගිණුම් හිමියා පසුගිය 04දා රුපියල් ලක්ෂ 300ක් ගිණුමෙන් ආපසු ලබාගෙන තිබේ.

මෙම ගිණුමට තවත බැංකුවකින් ඊ බෑන්කින් හරහා අමෙරිකානු ඩොලර් එකයි දශම තුනක මුදලක් තැන්පත් කර ඇති නමුදු ඒ මුදල ගිණුමට එක් වී නොමැත.

සැකකරු අධිකරණයට ඉදිරිපත් කර ඇති අතර සෙසු මූල්‍ය වංචාකරුවන් අත්අඩංගුවට ගැනීම සඳහා රහස් පොලිසිය තවදුරටත් පරීක්ෂණ සිදුකරයි. සැකකරු අධිකරණයට ඉදිරිපත් කිරීමෙන් පසු මේ 11 දා දක්වා රිමාන්ඩ් භාරයට පත්කර තිබේ.

රියැදුරු බලපත් දීමේදී මානසික යෝග්‍යතාවත් බැලීමේ තීරණයක්

දිනමිණ:

දැනට රියැදුරු බලපත් ලබාගැනීමේදී ප්‍රවාහන වෛද්‍ය ආයතනයෙන් ලබා ගත් ශාරීරික යෝග්‍යතා වෛද්‍ය සහකිකයක් පමණක් ඉදිරිපත් කෙරුණ ද රිය අනතුරු සිදු වීම දිනෙන් දින ඉහළ යෑම නිසා මානසික වෛද්‍ය වාර්තාවක් ලබා ගැනීමේ තීරණයකට එළැඹීමට සිදුවු බව මාර්ග ආරක්ෂාව පිළිබද ජාතික සභාවේ සභාපති වෛද්‍ය සිසිර කෝදාගොඩ මහතා පවසයි.

මේ පිළිබදව කැබිනට් පත්‍රිකාව ප්‍රවාහන හා සිවිල් ගුවන් සේවා ඇමති නිමල් සිරිපාල ද සිල්වා මහතා විසින් කැබිනට් මණ්ඩලයට ඉදිරිපත් කිරීමට කටයුතු යොදා ඇත.

ප්‍රවාහන හා සිවිල් ගුවන් සේවා ඇමති නිමල් සිරිපාලද සිල්වා මහතා විසින් මෝටර් වාහන (සංශෝධන) පනත් කෙටුම්පත පසුගියදා පාර්ලිමේන්තුවට ඉදිරිපත් කරන ලද අතර එම කෙටුම්පතටද රියදුරු බලපත්‍රයක් ලබා ගැනීමට අයැදුම්කරුවකු මානසික රෝග වෛද්‍යවරයකුගෙන් වාර්තාවක් ඉදිරිපත් කළ යුතුය යන වගන්තියක් ඇතුළත් කර ඇති බවද වාර්තා වේ

ජනපති මෛත්‍රීපාල සිරිසේන UN සැසිය අමතමින් සිදු කරන ලද කතාවේ ප්‍රධාන කරුණු 8ක්

BBC

ජනාධිපති මෛත්‍රීපාල සිරිසේන නිව්යෝර්ක් නගරයේ දී එක්සත් ජාතීන්ගේ මහා මණ්ඩලයේ හැත්තෑ දෙවැනි සැසි වාරය අමතමින් සිදු කරන ලද කතාවේ ප්‍රධාන කරුණු 8ක්.

1.රටේ ජාතික දේශපාලනයට සහ ජාත්‍යන්තර දේශපාලනයට බලය අත්හැරීම ගැන ආදර්ශයක් දීම;
එම කාරණය සම්බන්ධයෙන් අදහස් දැක්වූ ජනාධිපතිවරයා මෙසේ සඳහන් කළේය.
“2015 වසරේ ජනවාරි මාසයේ ශී‍්‍ර ලංකාවේ ජනාධිපතිවරයා ලෙස පත්වීමට පෙර මම මගේ රටේ ජනතාවට දුන් පොරොන්දු කිහිපයක් තිබෙනවා. එහිදී විශේෂයෙන් මා සඳහන් කළේ ලෝකයේ කිසියම් රටක, කිසියම් නායකයෙකුට නොතිබූ අසීමිත බලයක් ශී‍්‍ර ලංකාවේ විධායක ජනාධිපතිවරයාට තිබූ බැවින් මා බලයට පත් වූ විට ඒ අසීමිත බලය ජනාධිපති ධූරයෙන් ඉවත් කර පාර්ලිමේන්තුව සඳහා පවරනු ලබන බවයි. බලයට පත් වූ නායකයෙක් එවැනි අසීමිත බලතල රාශියක් සිය ආණ්ඩුක‍්‍රම ව්‍යවස්ථාව තුළ, තනතුර තුළ තිබියදී එම බලය, බලයේ සිටින අවස්ථාවේ තමා විසින්ම අත් හළ, පාර්ලිමේන්තුවට පැවරූ නායකයෙක් විදියට මගේ රටේ ජාතික දේශපාලනයටත්, ජාත්‍යන්තර දේශපාලනයටත් බලය අත්හැරීම පිළිබඳ ආදර්ශය මා විසින් දී තිබෙනවා”.

2. බොහෝ නායකයින් බලයෙන් ඉවත් වීමට තිබෙන්නා වූ අකමැත්ත තුළ, එම රට තුළ සාමය බිඳීම, සාමය නැතිවීම මෙන්ම එය ජාත්‍යන්තර වශයෙන් ද විවිධ බෙදීම් අසමගිකම් සඳහා බලපාන බව.
ඒ පිළිබඳව කරුණු පැහැදිලි කළ ජනාධිපති මෛත්‍රීපාල සිරිසේන බොහෝ නායකයින්, බලයෙන් ඉවත්වීමට තිබෙන්නා වූ අකමැත්ත තුළ, රටවල් තුළ සාමය බිඳී යන අතර එය ජාත්‍යන්තර වශයෙන් ද විවිධ බෙදීම් අසමගිකම් සඳහා බලපාන බව පෙන්වා දුන්නේය.
එවැනි තේරුම් ගැනීමක් යටතේ ශ්‍රී ලංකාව තුළ ප‍්‍රජාතන්ත‍්‍රවාදය තහවුරු කරමින්, ඒවනවිට තනි ආඥාදායක ගමනක් ගිය ගිය දේශපාලන කණ්ඩායම් ඉවත් කර, රට තුළ ජනතාවගේ නිදහස ප‍්‍රජාතන්ත‍්‍රවාදය සහතික කරමින් මානව හිමිකම් ආරක්ෂා කරමින්, මූලික අයිතිවාසිකම් පෝෂණය කිරීමට පියවර ගත් බව ජනාධිපතිවරයා මහා මණ්ඩලය හමුවේ සඳහන් කළේය.

3. තිරසර සංවර්ධන ඉලක්ක සම්පූර්ණ කිරීමේදී පරිසර සංරක්ෂණයට මුල් තැන දීම.
2017 වර්ෂය දුගී භාවයෙන් නිදහස් වීමේ වර්ෂය වශයෙන් නම් කරමින් ශ්‍රී ලංකාව තුළ දේශීය ආර්ථිකය ශක්තිමත් කිරීමේ සංවර්ධන ව්‍යාපෘතීන් රාශියක් ආරම්භ කරන ලද අතර තිරසර සංවර්ධන ඉලක්ක සම්පූර්ණ කිරීමේ දී පරිසර සංරක්ෂණයට මුල් තැන දීම සිය රජයේ ප‍්‍රමුඛ කාර්යයක් බවට පත්කර ගත් බව ජනාධිපති මෛත්‍රීපාල සිරිසේන පවසයි.
දුගී භාවයෙන් මිදීමේ ඉලක්ක සපුරා ගැනීම සඳහා “ග්‍රාම ශක්ති” නමින් නව වැඩ පිළිවෙලක් ආරම්භ කරන ලද බවත් ජනාධිපතිවරයා සඳහන් කළේය.

4. කාලගුණික,දේශගුණික විපර්යාසයන්ට අදාළ ජාත්‍යන්තර එකඟතා අනුව කටයුතු කිරීම.
පැරිස් සමුළුවේ දී සහ වෙනත් පරිසර ප්‍රඥප්තීන් අනුව කටයුතු කිරීම සමස්ත මානව සමාජයේ මෙන්ම මුළු මහත් ජීව ලෝකයේ පැවැත්මට වැදගත් වන බව ඒ සම්බන්ධයෙන් අදහස් දැක්වූ ජනාධිපතිවරයා පෙන්වා දුන්නේය.
5. ලෝකයේ සියලු රටවල දරුවන් ප්‍රශ්න රාශියකට මුහුණ දී සිටින හෙයින් ළමා ආරක්ෂණය ජාතික සහ අන්තර්ජාතික වශයෙන් වැදගත් වීම.
ශ්‍රී ලංකාව ළමා ආරක්ෂණ උදෙසා ‘දරුවන් සුරකිමු’ යන තේමාව යටතේ පුළුල් ජාතික වැඩසටහනක් ආරම්භ කළ බව සඳහන් කළ ජනාධිපති මෛත්‍රීපාල සිරිසේන, මත් ද්‍රව්‍යවලින් සහ අපචාරවලින් දරුවන් බේරා ගැනීම සඳහා ජාතික සහ අන්තර්ජාතික වශයෙන් වැඩසටහන් කි‍්‍රයාත්මක කිරීමේ අවශ්‍යතාව මහා මණ්ඩලය ඉදිරියේ පැහැදිළි කළේය

6. කාන්තා නියෝජනය වැඩි කිරීම.
ශ්‍රී ලංකාවේ ජනගහනයෙන් 52% කට අධික ජනගහනය කාන්තාවන් වන අතර කාන්තාවන්ගේ අයිතිවාසිකම් සුරක්ෂිත කිරීමට සහ ආණ්ඩුක‍්‍රම ව්‍යවස්ථාවේ අලුත් සංශෝධන මගින් මැතිවරණවලට ඉදිරිපත් වන අපේක්ෂක ලැයිස්තුවල 25% ක් කාන්තාවන් විය බව නීතිගත කරන ලද බවත් ජනාධිපතිවරයා කියා සිටියේය.

7. විදේශීය ණය අවුල සහ මානව හිමිකම් කඩ කිරීම් පිළිබඳ චෝදනා.
2015 වසරේ බලයට පත් වන විට ප්‍රධාන ප්‍රශ්න දෙකකට මුහුණ දීමට සිදු වූ බව සඳහන් කළ ජනාධිපති මෛත්‍රීපාල සිරිසේන ඒ අතරින් විදේශීය ණය අවුල සහ මූල්‍ය හිඟය ඉතා බැරෑරුම් වූ බවත් ඒ අතරවාරයේ යුද සමයේ සිදු විනැයි කියනු ලබන මානව හිමිකම් කඩ කිරීම් සම්බන්ධයෙන් එක්සත් ජාතීන්ගේ සංවිධානය සහ මානව හිමිකම් කොමිසම මගින් ඉදිරිපත් වූ යෝජනාවන්ට මුහුණ දීමට සිදු වූ බවත් පෙන්වා දුන්නේය.
“එක්සත් ජාතීන්ගේ මානව හිමිකම් කොමිෂන් සභාව විසින් මා පෙර කී පරිදි යුද කාලය තුළ පැවති තත්වයන් ඇසුරෙන් ඉදිරිපත් කර ඇති යෝජනා පිළිබඳව අපි රජයක් විදියට සැලකිල්ලට අරන් ඒ කරුණුවලට ප‍්‍රමුඛතාවක් දීලා ඒ කරුණු විසඳීමට මගේ රජය කටයුතු කරනවා. ප‍්‍රධාන වශයෙන්ම ප‍්‍රජාතන්ත‍්‍රවාදය තහවුරු කිරීම මානව හිමිකම් ආරක්ෂා කිරීම ජනතාවගේ අයිතිවාසිකම් සුරැකීම කියන කරුණු පදනම් කර ගෙන මගේ රජය ගෙවී ගිය වසර දෙකහමාරක කාලය තුළ රට තුළ සාර්ථක ප‍්‍රජාතන්ත‍්‍රවාදී පාලනයක් ඇති කිරීමේ කාර්යය ඉටු කර තිබෙනවා සේම ඉදිරි කාලය තුළ ඉතාමත් පැහැදිලිව එම කරුණු තහවුරු කිරීමට රජයක් විදියට ක‍්‍රියාකරන බව විශේෂයෙන්ම මෙහිදී සඳහන් කරන්නට ඕන” ජනාධිපතිවරයා දීර්ඝ වශයෙන් පැහැදිලි කළේය.

8. කඩිනම් විසඳුම් නැහැ.
ඇතැම් අන්තවාදී පිරිස් වේගවත් ගමනක් බලාපොරොත්තු වෙන නමුත් වසර 30කට ආසන්න කාලයක් යුද්ධයක් පැවති රටක් විදියට සෙමින් යන සාර්ථක ගමනක් සඳහා අවශ්‍ය සහයෝගය දෙන ලෙස ජනාධිපතිවරයා සිය කතාව අවසානයේ ඉල්ලීමක් කළේය.
“වේගවත් ගමනක් අනතුරු සහිතයි කියලා අපි සැවොම අහලා තියෙනවා. ඒ නිසා ඇතැම් අන්තවාදී පිරිස් බලාපොරොත්තු වන වේගවත්, කඩිනම් විසඳුම් දීමේ අසීරුතාවන් මුළු මහත් සමාජය තුළ තිබෙන්නා වූ සංකීර්ණ ස්වභාවයන් ඔබ සෑම කෙනෙක්ම පිළිගනු ඇතැයි මා විශ්වාස කරනවා” යයි ජනාධිපතිවරයා කියා සිටියේය.